Ano ba ang Phishing?
Ang Phising ay isa sa
mga pamamaraan ng mga mangagantso o scammers sa internet, kung saan
ginagaya nito ang itsura at laman ng mga mahahalagang website na madalas nating
gamitin. Karaniwang ginagamit ang mga website na naglalaman ng mga mahahalaga
at sensitibong impormasyon tungkol sa iyo o sa mga ginagawa mong
transakyon katulad ng website ng mga bangko, eskwelahan, social media at iba
pa.
 |
| Isang Paglalarawan ng Phishing |
Paano Isinasagawa ang Phishing?
Ang pangkaraniwang
pamamaraan ng mga kawatan ay ang pagpapadala ng e-mail, mensahe sa chat o text message na pupukaw sa
iyong interes kung saan sinasabing kailangan na ng madaliang aksyon.
Ang mensahe upang
maging epektibo ay humihingi ng atensyon tulad ng:
1. isasara ang iyong
account sa (bangko, social media, paypal, at iba pa)
2. may naganap na malaking
transaksyon gamit ang iyong pangalan at account
3. may mga mali sa iyong
parerehistro
4. mayroon kang mga bagong
utang
5. naaprubahan ang iyong
request para sa credit card
6. may gumagamit ng iyong
social media accounts
7. at iba pa.
Paano makikilala ang isang Phishing e-mail o message?
Ito ay pangkaraniwan
nang gumagamit ng generic o default na header at pagbati:
1. To our beloved
customer
2. To our valued user
3. Pangalan ng kompanya,
Establisyemento, website.
Ito ay nangangahulugan lamang na ang mensaheng iyong natanggap ay ipinadala sa pamamagitan ng bulk mail services o maramihang pagsend.
Iba Pang mga
Palatandaan
1. Gumagamit ng isang larawang
HTML (HTML Images Mapping ) kung saan natatago ang tunay na nilalaman
ng mga link at hindi kayang basahin kung walang add-on para sa script.
2. Humihingi ng reply
sa unsecured at unencrypted connection. Yan ay upang mairedirect ka sa
pekeng site kung saan kinakailangang ipasok ang iyong username at password at
iba pang mahalagang impormasyon.
Ano ang mga Paunang Hakbang Na Dapat Mong Gawin?
Upang makita ang tunay
na URL sa likod ng link. Ihover ang iyong mouse sa mga link. Lalabas ang tunay
na url sa pinaka kaliwang bahagi ng screen.
1. I-click ang reply upang makita ang
orihinal na address ng nagpadala. (
pero wag isend)
2. I search sa google ang nakuhang
address at URL at i-ugnay ng mga salitang scam, spam at phishing.
Ano ang Dapat Mong Gawin Upang Makaiwas sa Phishing?
1. Huwag i-click ang
link
2. Huwag magreply
3. I-mark as unread bago
isend sa spam o itabi sa ibang folder kung nagaalangan ka
4. Magtungo sa lehitimong
website at icheck ang account
5. Mag e-mail sa customer
service at magtanong. Maari ka ring magpadala ng kopya ng natanggap na e-mail
upang ivalidate ito.
Ano ang dapat gawin kung nakapagpasok ka na ng mahahalagang impormasyon sa pekeng website?
1. Ipagbigay alam agad sa
kinauukulan upang malapatan ng mga legal na aksyon.
2. Magpalit ng password
Para sa mga katanungan,
maari kang magiwan ng komento o i-like ang aming Facebook
Page.
