Pusu-pusuan

'Di baga maraming puso sa sagingan
May pusong saba at puso ng tordan
May pusong dalaga may pusu-pusuan
May pusong tapat at pusong salawahan

Ako'y nagtanim sa laguerta ng puso
Puso ang tinamnan, puso ang tumubo
Puso ang nagbunga--ibinunga'y puso
puso ang kumitil -- kinitil ay puso

Ang buhay pa raw ng tao ay dagat
Sa dagat ang puso'y tunay na layag
Tubig ang timbangan ng paraw sa lawa
Puso ng tao'y timbangan ng palad

Ngunit ang puso ng magulang
Ay may tunay na pagmamahal